На 5 и 6 јуни учествувавме на напредната обука „Новите технологии во контекст на граѓанскиот надзор“, наменета за граѓански организации, медиумите и претставници на Собраниската служба организирана од страна DCAF во Велес. Обуката е посветена на актуелните предизвици што ги носат новите технологии за човековите права, приватноста, безбедноста и демократскиот надзор над безбедносниот сектор.
Особен фокус на обуката беше ставен на правните и етичките аспекти на вештачката интелигенција, заштитата на личните податоци, како и на напредни техники за препознавањето, анализа и справувањето со синтетички медиумски содржини (deepfakes) преку AI-assisted verification tools и OSINT пристапи.
